#
കാടും മേടും തേടിയലയുന്ന
പൂക്കളുടെ ആത്മാക്കള്‍
വേനല്‍ച്ചൂടില്‍ കരയുന്നത് കേട്ട് ,
മുറ്റം ഉരുള്‍പൊട്ടി
ഒലിച്ചുപോകുന്നത് നോക്കിനിന്ന് ,
'അത്തം പത്തിന് പൊന്നോണമെന്ന്
ഞാനും പാടി ..
വെറുതെ ....വെറുതെ !
മുറ്റത്തെ പഞ്ചാരമണലില്‍
ഊക്കോടെ മുറുക്കിത്തുപ്പി ,
പഴങ്കഥ ചൊല്ലിയ മുത്തശ്ശിയെ ഓര്‍ത്ത് ,
വിരലുകള്‍ പൊള്ളിച്ച
രുചിയോര്‍മകള്‍ നുണഞ്ഞ് ,
ഒരു തെളിനീര്‍ പുഴ തേടിയലഞ്ഞ് ,
ഊഞ്ഞാലിനൊരു കൊമ്പ് നോക്കി
നടന്ന് ,നടന്ന് , തളര്‍ന്ന്
ഒടുവിൽ ഞാനൊരു പാട്ട് മൂളി ,
വെറുതെ ....വെറുതെ !
മനുഷ്യർ
മൃതമാക്കിയ സ്വപ്നങ്ങളുടെ
ശവപ്പറമ്പിനു മേലെ
ചമ്രം പടിഞ്ഞിരുന്ന് , സദ്യയുണ്ട് ,
തൂശനില മടക്കി , മുറ്റത്തേയ്ക്കിറങ്ങി ,
മഴയോട് രഹസ്യമായി പറഞ്ഞു ,
' ഞാനും കൊണ്ടാടി ഒരോണം '
വെറുതെ ...... വെറുതെ !
#
കാടും മേടും തേടിയലയുന്ന
പൂക്കളുടെ ആത്മാക്കള്‍
വേനല്‍ച്ചൂടില്‍ കരയുന്നത് കേട്ട് ,
മുറ്റം ഉരുള്‍പൊട്ടി
ഒലിച്ചുപോകുന്നത് നോക്കിനിന്ന് ,
'അത്തം പത്തിന് പൊന്നോണമെന്ന്
ഞാനും പാടി ..
വെറുതെ ....വെറുതെ !
മുറ്റത്തെ പഞ്ചാരമണലില്‍
ഊക്കോടെ മുറുക്കിത്തുപ്പി ,
പഴങ്കഥ ചൊല്ലിയ മുത്തശ്ശിയെ ഓര്‍ത്ത് ,
വിരലുകള്‍ പൊള്ളിച്ച
രുചിയോര്‍മകള്‍ നുണഞ്ഞ് ,
ഒരു തെളിനീര്‍ പുഴ തേടിയലഞ്ഞ് ,
ഊഞ്ഞാലിനൊരു കൊമ്പ് നോക്കി
നടന്ന് ,നടന്ന് , തളര്‍ന്ന്
ഒടുവിൽ ഞാനൊരു പാട്ട് മൂളി ,
വെറുതെ ....വെറുതെ !
മനുഷ്യർ
മൃതമാക്കിയ സ്വപ്നങ്ങളുടെ
ശവപ്പറമ്പിനു മേലെ
ചമ്രം പടിഞ്ഞിരുന്ന് , സദ്യയുണ്ട് ,
തൂശനില മടക്കി , മുറ്റത്തേയ്ക്കിറങ്ങി ,
മഴയോട് രഹസ്യമായി പറഞ്ഞു ,
' ഞാനും കൊണ്ടാടി ഒരോണം '
വെറുതെ ...... വെറുതെ !
#
