അമ്മമ്മേടെ പേര് ലക്ഷ്മി 

അമ്മമ്മേടമ്മേടെ പേര് സരസ്വതി

അമ്മേടെ പേര് സീത 

എന്റെ പേര് ദുർഗ്ഗ 

എന്റെ മകളുടെ പേര് ജാനകി 

നോക്കണെ

എല്ലാരും ദൈവങ്ങളായ പെണ്ണുങ്ങൾ

പത്രപാരായണത്തിനിടെ 

എന്താ കഥയെന്നതിശയിച്ച്

കണ്ണട താഴ്ത്തി

അച്ഛനവളോട് ചോദിക്കുന്നതു കേട്ടു 

'ജാനൂട്ട്യേ നെന്റെ പേര് 

മാറ്റേണ്ടി വര്വോ?'

സംശയനിവാരണത്തിന്

ജാനകി അകത്തേയ്ക്കോടി

അടുത്ത മുറീന്ന് 

ഉച്ചസ്ഥായിയിലെത്തുന്നൊരൊച്ച

പൊട്ടിച്ചിരിച്ചതാണ്  'ജനകൻ.'