നീയൊളിച്ചിരിക്കുന്ന മാളത്തിൽ
നനഞ്ഞ കൺപീലികളായ്
ഞാനെന്നെയിറക്കിവിടാറുണ്ട് .

വന്നു തൊടും
ഒരുകുലപ്പൂവിന്റെ നനവ് ,
ചില്ലയുണർത്തിയ പാട്ട് ,
ഉടയാത്ത വളകളുടെ കിലുക്കം ,
മായാത്ത പൊട്ടിന്റെ ചുവപ്പ് ,
പുഴയഴിച്ചുതന്ന ഒററക്കൊലുസ്സിന്റെ
തിളക്കം
വഴിക്കണ്ണുമായ് നിന്ന പകൽ ,
വെയിൽപ്പൂവ് കൊഴിച്ചിട്ട വിയർപ്പ് .

അനങ്ങാതെ
ശബ്ദമുണ്ടാക്കാതെ
വെള്ളിനൂൽ ചേർത്തുകെട്ടി
കൊണ്ടുപോരാറുണ്ട്
ഒരു പോറലുമേൽക്കാതെ .

നെഞ്ചോട് ചേർത്തുപിടിച്ച്
ഉറങ്ങാതെ കിടക്കും
നാളെ വരികളായുണർന്നെങ്കിലോ .!

______________________________________