2009, നവംബർ 1, ഞായറാഴ്‌ച
കത(ഥ)യില്ലാത്തവൾ
എനിക്ക് ഏഴു വയസ്സ് .
ഇന്നും നിറമുള്ള കട്ടകൾ അടുക്കിവെച്ച്‌ ,കൊട്ടാരമുണ്ടാക്കിക്കളിക്കുന്ന
ഒരു കുഞ്ഞിനെപ്പോലെ , ഇവൾ , കത(ഥ)യില്ലാത്തവൾ .!
കത( കോപം)യില്ലാത്ത / വിവരം കെട്ടവൾ.
എന്റെ മണ്ണിന് ഇന്ന് അറുപത് വയസ്സ് .
നെഞ്ചിൽ കൈവെച്ച് ,
എന്റെ മണ്ണേ , എന്റെ വാക്കേ എന്ന് ഒരിക്കൽക്കൂടി .
എന്റെ' എന്ന വാക്ക് ഒരു മായാജാലക്കാരിയാണ് .സിരകളിൽ
സ്നേഹം ജ്വലിപ്പിക്കുന്നവൾ .എത്ര കേട്ടാലും മതിവരാത്തത് .
നമ്മൾ കേൾക്കാൻ കൊതിക്കുന്നത് കേൾപ്പിക്കാനാവണം
അതാവട്ടെ ഇന്നത്തെ പ്രാർത്ഥന , എന്നത്തെയും .
ഓരോ ആഘോഷങ്ങളും ഓരോ പ്രതീക്ഷയാണ് . ഞാനുമൊരു
പ്രതീക്ഷയിലാണ് , നാളെ വളരുമെന്ന് ,വളരുന്തോറും കുഞ്ഞാവുമെന്ന് .
